Мазмұнға өту
Сурет: Report
Оңтүстік Кореяның Сеул қаласы мен Канвондо провинциясында жауған қатты жаңбыр салдарынан 540-қа жуық мүлік зардап шекті. Оның ішінде 148 жағдайда тұрғын үйлер мен жолдар су астында қалса, 392 оқиғада ағаштар мен құрылыс қалдықтары құлаған, деп хабарлайды Zhaiyqmedia.kz ақпарат агенттігі.
Сенбі күні таңертең Канвондо провинциясының 10 ауданында нөсер жауынға байланысты ескерту әлі де күшінде болды. Пхочхон қаласында көшкін қаупіне байланысты арнайы ескерту жарияланды.
Қаза тапқандар мен зардап шеккендер туралы мәлімет жоқ. Сақтық шарасы ретінде 6 қаладағы 44 үй шаруашылығынан 95 адам уақытша эвакуацияланды.
Қолайсыз ауа райына байланысты билік 10 ұлттық парк пен 275 жаяу жүргіншілер бағытын, оның ішінде Букхансан тауындағы соқпақтарды жапты. Сондай-ақ елдің батыс жағалауындағы жеті паром бағытының жұмысы уақытша тоқтатылды.
Синоптиктердің болжауынша, нөсер жексенбіге дейін жалғасады. Кейбір өңірлерде 300 миллиметрге дейін жауын-шашын түсуі мүмкін, бұл су тасқыны мен көшкін қаупін күшейтеді.
Премьер-министр Хан Сон Сук төтенше жағдай қызметтеріне апат салдарын жою үшін қосымша күш пен техниканы жұмылдыруды тапсырды. Сондай-ақ Чхунчхон мен Канвондо провинцияларында көшкін қаупіне дайындықты күшейтуге шақырды.
