Израиль әуе бомбаларын жаппай өндіруді қолға алады

Сурет: istockphoto.com

Израиль алдағы екі жыл ішінде әуе бомбаларын жаппай өндіруді бастауды жоспарлап отыр. Jerusalem Post газетінің хабарлауынша, бұл қадам АҚШ-тан жеткізілетін қару-жараққа тәуелділікті азайтуға бағытталған, деп хабарлайды Zhaiyqmedia.kz ақпарат агенттігі.

Әңгіме қарапайым оқ-дәрілерге орнатылатын арнайы бағыттау кешендері туралы болып отыр. Олар кәдімгі снарядтарды жоғары дәлдікті қаруға айналдырады.

Басылымның мәліметінше, Израиль қорғаныс өнеркәсібіндегі дербестігін күшейтуге 2024 жылдан бастап кіріскен. Бұған Рафахтағы ЦАХАЛ операциясына қатысты келіспеушіліктерден кейін АҚШ енгізген ішінара эмбарго себеп болған. Сол кезде Вашингтон кейбір оқ-дәрілерді жеткізуді уақытша тоқтатып, бұл Израиль билігін балама шешімдер іздеуге итермелеген.