Мазмұнға өту
Сурет: ANSA
Италия үкіметі кәмелетке толмағандар арасындағы қылмыстың өсуіне қарсы күрес үшін қылмыстық жауапкершілік жасын 14 жасқа дейін төмендететін заң жобасын бекітті, деп хабарлайды Zhaiyqmedia.kz ақпарат агенттігі.
Жаңа заң бойынша жасөспірімдер 14 жастан бастап қылмыстық жауапкершілікке тартылады. Судьялар енді әр іс бойынша құқық бұзушының өз әрекетінің мәнін түсінгенін жеке дәлелдеуге міндетті емес.
«Қателік жасаған әр адам, тіпті кәмелетке толмаған болса да, өз ісі үшін жауап беруі керек. Егер біреу шабуыл жасаса, тонаса немесе қиратса, ол 15–16 жаста болса да, өз әрекетінің салдарын тартуға тиіс», деді Италияның премьер-министрі Джорджа Мелони.
Ол «баламасыз қаталдық – шешім емес, бірақ қатаңдықсыз балама да мәселені шеше алмайды» деп атап өтті.
«Қарумен ұсталған кәмелетке толмағандарды қамауға алу, пышақ қолдануға қатысты ережелерді қатаңдату, қылмыстық топтардың әрекетінен келтірілген зиян үшін жазаны күшейтуге қатысты тиісті әрекет етеміз», деді ол.
