Иран әскери кемелері АҚШ әскери-теңіз күштерінің Ормұз бұғазына кіруіне жол бермеді. Бұл әрекет Дональд Трамптың Иранға қатысты қатаң саясатына жауап ретінде қабылданып отыр, деп хабарлайды Zhaiyqmedia.kz ақпарат агенттігі.
Тегеран ресми түрде АҚШ кемелерінің өз аумақтық суларына кіруіне тыйым салғанын жариялады. Иран билігі бұл шешімді ұлттық қауіпсіздік мүддесімен түсіндіріп отыр.
Біз ешкімге, әсіресе АҚШ-қа, өз егемендігімізді бұзуға жол бермейміз. Ормұз бұғазы – біздің бақылауымызда, — деді Иран Сыртқы істер министрлігінің өкілі.
АҚШ тарапы әзірге ресми түсініктеме берген жоқ. Бірақ сарапшылар бұл оқиға Парсы шығанағындағы шиеленісті одан әрі ушықтыруы мүмкін деп ескертеді. Ормұз бұғазы әлемдік мұнай тасымалының 20 пайызы өтетін стратегиялық маңызды өңір саналады.
