Германияның Лейпциг қаласында жеңіл автокөлік адамдар тобына соғылып, екі адам қаза тапты, деп хабарлайды Zhaiyqmedia.kz ақпарат агенттігі.
Оқиға кеше күндіз болған. Жүргізуші басқаруды жоғалтып, жиналған жұрттың арасына кіріп кеткен.
Қайғылы жағдай салдарынан екі адам оқиға орнында көз жұмды. Тағы бірнеше адам түрлі жарақаттармен ауруханаға жеткізілді.
Полиция қазір жүргізушінің кінәсін анықтап жатыр. Алдын ала болжам бойынша, ол рульде ұйықтап кеткен болуы мүмкін.
