Қазақстандық ғалымдар жусан тозаңына аллергияны небәрі бір аптада емдейтін препарат әзірледі. Бұл – маусымдық аллергиядан зардап шегетін мыңдаған адамға үміт сыйлаған жаңалық, деп хабарлайды Zhaiyqmedia.kz ақпарат агенттігі.
Денсаулық сақтау министрлігінің мәліметінше, елдегі маусымдық аллергияның ең көп таралған себебі – жусан тозаңы. Осы мәселені шешу үшін отандық ғалымдар арнайы препарат жасап шықты.
«Препарат клиникалық сынақтан сәтті өтті. Емдеу курсы бір аптаға созылады, нәтижесінде пациенттердің аллергия белгілері толықтай жоғалады», – деді министрлік өкілі.
Жаңа дәрі еліміздің барлық өңірінде қолжетімді болады. Оны өндіруге жергілікті фармацевтикалық кәсіпорындар тартылған.
Мамандардың айтуынша, бұл препарат аллергиядан зардап шегетіндердің өмір сапасын едәуір жақсартады. Қазір дәріні жаппай өндіріске енгізу жоспарланып жатыр.
