Сурет: Аir Astana
«Air Astana» әуе компаниясы Астана – Салала бағыты бойынша тұңғыш рейсін жасады, деп хабарлайды Zhaiyqmedia.kz ақпарат агенттігі.
Республика күні қарсаңында аттанған ұшақпен Оманға 140 жолаушы ұшты. Рейстер Airbus A320 ұшақтарымен орындалады.
Қазіргі уақытта SalamAir компаниясы Алматы – Маскат бағыты бойынша тұрақты рейстер жасайды. Жаңа бағыт екі ел арасындағы туристік, сауда-экономикалық және мәдени байланыстарды дамытуға жол ашады.
Бұл бағыт Қазақстанның халықаралық әуе қатынасын кеңейту және транзиттік әлеуетін арттыру жөніндегі жұмыстар аясында ашылды. 6 қазанда Президент Қасым-Жомарт Тоқаев пен Оман Сұлтаны Хайсам бен Тариқ Әл Саидтың кездесуінде екі ел үкіметтері арасында әуе қатынасы туралы келісімге қол қойылған болатын.
