Сурет: Egemen Qazaqstan
Астанада Нұрғиса Тілендиев даңғылының бір бөлігі 31 мамыр мен 15 маусым аралығында көлік қозғалысына жабылады. Бұл – жол жөндеу жұмыстарына байланысты, деп хабарлайды Zhaiyqmedia.kz ақпарат агенттігі.
Қалалық әкімдіктің мәліметінше, даңғылының Баршын көшесінен көлік жолайрығына дейінгі аралықта жөндеу жүргізіледі. Осыған орай, аталған учаскеде көлік қозғалысы уақытша тоқтатылады.
«Жөндеу жұмыстары кезінде жүргізушілерге айналма жолдарды пайдалануға кеңес береміз. Қосымша ыңғайсыздықтар үшін кешірім сұраймыз», – деді әкімдік өкілі.
Әкімдік тұрғындар мен қала қонақтарын жол жөндеу мерзімін ескеріп, бағдарды алдын ала жоспарлауға шақырады. Жабық учаскенің нақты орны картада көрсетілген.
