Сурет: Egemen Qazaqstan
Астанада шомылу маусымы басталған соң, құтқарушылар судағы қауіпсіздік шараларын күшейтті. Тұрғындарға тек арнайы белгіленген жағажайларда ғана шомылуға рұқсат етілген.
Төтенше жағдайлар департаменті мамандары тұрғындарды суға түсу кезінде қарапайым ережелерді сақтауға шақырды. Атап айтқанда, балаларды суда қараусыз қалдырмау, мас күйінде шомылмау және белгісіз жерлерге секірмеу керек.
«Өкінішке қарай, жыл сайын суға бату оқиғалары тіркеледі. Оның алдын алу – әр адамның өз жауапкершілігі. Тек рұқсат етілген жағажайларда ғана шомылыңыздар», – деді Астана қалалық ТЖД басшысы.
Құтқарушылар қала маңындағы су айдындарына да бақылауды күшейткен. Олар күн сайын рейд жүргізіп, тұрғындарға ескерту жасайды.
