Астанада Қазақстандағы Ресей мәдениет күндерінің ашылу салтанаты өтті. Шара аясында ресейлік өнерпаздардың гала-концерті ұйымдастырылды, деп хабарлайды Zhaiyqmedia.kz ақпарат агенттігі.
Мәдениет және ақпарат министрлігінің мәліметінше, концертке Ресейдің танымал әншілері мен би ұжымдары қатысты. Олар қазақстандық көрерменге орыс халық әндері мен заманауи эстрадалық шығармаларды ұсынды.
«Бұл – екі ел арасындағы достықты нығайтуға бағытталған маңызды іс-шара. Мәдениет күндері аясында тағы бірнеше кездесулер мен көрмелер жоспарланған», – деді министрлік өкілі.
Ресей мәдениет күндері бір аптаға созылады. Оған театр қойылымдары, кітап көрмесі және шеберлік сабақтары кіреді.
