Сурет: Egemen Qazaqstan
Астанадағы EXPO халықаралық көрме орталығында «ULTTYQ ÓNIM – 2026» атты ірі көрме басталды. Бұл – отандық өндірушілердің тоғызыншы рет ұйымдастырылып отырған жыл сайынғы шарасы, деп хабарлайды Zhaiyqmedia.kz ақпарат агенттігі.
Биылғы көрмеге еліміздің әр өңірінен 500-ден астам компания қатысып жатыр. Олар машина жасау, химия, жеңіл өнеркәсіп, тамақ өндірісі және IT саласындағы жетістіктерін көрсетуде.
«Отандық өнімге сұраныс жылдан-жылға артып келеді. Біздің мақсат – отандық тауарлардың үлесін 70 пайызға жеткізу», – деді көрменің ашылуында ҚР Индустрия және инфрақұрылымдық даму министрі.
Көрме аясында «QazIndustry» және «Atameken» ұлттық палатасы бірлесіп, өндірушілерге арналған семинарлар мен бизнес-форумдар ұйымдастырды. Сондай-ақ шетелдік инвесторлармен кездесулер өткізілуде.
