Сурет: Aikyn.kz
Астанада Есіл өзенінің жағасынан 56 жастағы ер адамның мәйіті табылды, деп хабарлайды Zhaiyqmedia.kz ақпарат агенттігі.
Әлеуметтік желілерде тараған ақпаратты қалалық Полиция департаменті растады. Марқұмның жеке басы анықталған: ол елордада тұрған 56 жастағы ер адам.
«Марқұмның денесінен зорлық-зомбылық белгілері анықталған жоқ. Қазіргі уақытта қажетті тергеу амалдары жүргізіліп, оқиғаның мән-жайы анықталып жатыр», – деп мәлімдеді Астана қаласының Полиция департаменті.
Аталған дерек бойынша қылмыстық іс қозғалды. Ер адамның өлімінің нақты себебі әзірге хабарланған жоқ.
