Астана-Щучинск автобанында тағы бір қайғылы оқиға болды. Жол апаты салдарынан бір адам көз жұмды, деп хабарлайды Zhaiyqmedia.kz ақпарат агенттігі.
Оқиға 23 қаңтар күні сағат 14:00 шамасында Астана-Щучинск тас жолының 12-шақырымында тіркелді. Жүк көлігі мен жеңіл автокөлік соқтығысып, зардап шеккендер бар.
— Жол-көлік оқиғасы кезінде жеңіл көліктің жүргізушісі алған жарақаттарынан оқиға орнында көз жұмды. Қазіргі уақытта тергеу амалдары жүргізілуде, — деді полиция департаментінің баспасөз қызметі.
Тағы бір адам ауруханаға жеткізілді, оның жағдайы орташа ауыр деп бағалануда. Автобандағы апат себептері анықталып жатыр.
