Американың Нью-Йорк штатында Meta компаниясына тиесілі Facebook, Instagram және WhatsApp платформаларына тыйым салынуы ықтимал. Себеп – балалардың психикалық денсаулығына қауіп төндіреді деген айыптаулар, деп хабарлайды Zhaiyqmedia.kz ақпарат агенттігі.
Прокурорлар Instagram мен басқа да сервистердің балаларға әсерін шектеуді талап етіп отыр. Олардың пікірінше, әлеуметтік желілер жасөспірімдердің психологиялық жағдайына кері әсер етеді.
«Meta компаниясы өз платформаларын пайдаланушылардың, әсіресе балалардың, денсаулығын қорғау шараларын күшейтуі керек. Әйтпесе, біз олардың қызметіне тыйым салуға мәжбүр боламыз», – деді Нью-Йорк штатының бас прокуроры.
Meta компаниясы әзірге ресми мәлімдеме жасаған жоқ. Алайда сарапшылардың айтуынша, егер штат деңгейінде тыйым салынса, бұл басқа аймақтарға да үлгі болуы мүмкін. Әзірге бұл тек болжам, бірақ мәселе күн тәртібінен түспей тұр.
