АҚШ тәуелсіздігінің 250 жылдығына орай, елде Дональд Трамптың бейнесі салынған шектеулі сериялы паспорттар шығарылады. Бұл құжаттар мерейтойлық болып саналады, деп хабарлайды Zhaiyqmedia.kz ақпарат агенттігі.
Жаңа паспорттардың дизайнында АҚШ-тың 45-ші президентінің портреті және тәуелсіздік символдары бейнеленген. Шығарылым саны шектеулі, сондықтан құжаттар коллекциялық құндылыққа ие болады деп күтілуде.
Бұл бастаманы АҚШ Мемлекеттік департаменті қолдап отыр. Ресми өкілдердің айтуынша, паспорттардың бұл түрі тек мерейтойлық мақсатта шығарылып, жалпы қолданыстағы құжаттарды алмастырмайды.
«Біз бұл паспорттарды ұлттық мақтаныштың символы ретінде шығарып жатырмыз. Олар ерекше дизайнымен және тарихи маңызымен есте қалады», — дейді департамент өкілі.
Паспорттардың нақты қашан сатылымға шығатыны әзірге белгісіз. Бірақ алдын ала тапсырыстар қазірдің өзінде қабылдана бастаған. АҚШ азаматтары мен коллекционерлер бұл жаңалыққа ерекше қызығушылық танытуда.
