АҚШ Қорғаныс министрлігі Германиядағы әскери контингентін қысқарту туралы шешім қабылдады. Пентагон ел аумағынан 5 мыңға жуық американдық әскери қызметкерді шығарады, деп хабарлайды Zhaiyqmedia.kz ақпарат агенттігі.
Бұл қадам АҚШ-тың Еуропадағы әскери күштерін қайта құру жоспары аясында жасалып отыр. Пентагон өкілдерінің мәліметінше, шығарылатын әскерлердің бір бөлігі басқа елдерге ауыстырылады, ал қалғаны АҚШ-қа қайтарылады.
«Біз Еуропадағы әскери күшіміздің тиімділігін арттыру үшін қайта қарау жүргізіп жатырмыз. Германиядағы контингентті қысқарту – осы жоспардың бір бөлігі», – деді Пентагон ресми өкілі.
Шешім Германиямен келісілген және екіжақты ынтымақтастыққа нұқсан келтірмейді деп отыр. АҚШ әскерлерінің бір бөлігі Италия мен Бельгияға ауыстырылуы мүмкін.
