Мазмұнға өту
Сурет: Anadolu
Дүйсенбі күні Apple нарықтық капиталдандыру көрсеткіші бойынша Nvidia-ны артта қалдырып, әлемдегі ең қымбат компания атанды, деп хабарлайды Zhaiyqmedia.kz ақпарат агенттігі.
CNBC мәліметінше, Nvidia акциялары дүйсенбіде 5%-ға құлдырап, нарықтық құны 4,77 трлн долларға дейін төмендеген. Ал бейсенбіде тоқсандық есеп жариялау қарсаңында Apple акциялары 1%-ға қымбаттап, компания капиталдандыруын 4,95 трлн долларға жеткізген.
Жасанды интеллект технологияларына сұраныс артқан тұста, компания жад чиптерінің жаһандық тапшылығы туралы алғаш рет есеп береді деп күтілуде. Осы тапшылық салдарынан Apple маусым айында Mac және iPad өнімдерінің бағасын көтеруге мәжбүр болған.
Nvidia 2025 жылдың маусымынан бері (Microsoft-ты басып озғаннан кейін) әлемдегі ең қымбат компания болған еді. Тіпті сол жылдың қазан айында нарықтық құны 5 трлн долларға жеткен тарихтағы алғашқы компания атанды.
2026 жылдың басынан бері Nvidia акциялары небәрі 4%-ға ғана өссе, Apple акциялары 24%-ға қымбаттаған.
Инвесторлар Apple компаниясының саясатын жоғары бағалап отыр. Себебі Apple өзінің жеке инфрақұрылымын нөлден бастаудың орнына, қажетті есептеу қуатын сырттан жалға алу тәсілін таңдап, шығындарды ақылмен басқарып отыр.
