Жасанды интеллект және цифрлық даму министрлігі маңызды мемлекеттік қызметтерді толығымен онлайн форматқа көшіруді жоспарлап отыр. Енді кейбір құжаттарды ХҚО-лардан емес, үйде отырып алуға болады.
Министрлік egov.kz порталында халыққа қажетті қызметтерді цифрландыруды жалғастыруда. Бұл өзгеріс уақытты үнемдеп, қағазбастылықты азайтуға бағытталған.
«Біз азаматтарға ыңғайлы болу үшін мемлекеттік қызметтерді біртіндеп онлайнға көшіреміз. Енді ХҚО-ларға барып, кезек күтудің қажеті жоқ», — деді министрлік өкілі.
Қандай құжаттар онлайн берілетіні әзірге нақтыланбаған. Алайда мамандар бұл тізімге ең көп сұранысқа ие анықтамалар мен үзінділер кіретінін айтады.
Жаңа жүйе толық іске қосылғаннан кейін халыққа қызмет көрсету орталықтарының жүктемесі азайып, қызмет сапасы артады деп күтілуде.
