Алматы әуежайында полиция мен Ұлттық қауіпсіздік комитетінің шекара қызметі бірлескен арнайы тексеру кезінде есірткі контрабандасын ұйымдастырған шетел азаматын ұстады, деп хабарлайды Zhaiyqmedia.kz ақпарат агенттігі.
Күдіктінің жүгінде 45 келіден астам синтетикалық есірткі табылды. Бұл есірткінің нарықтық құны 1,5 миллиард теңгеден асады.
«Ұсталған шетелдікке Қазақстан Республикасы Қылмыстық кодексінің есірткі контрабандасы бабы бойынша айып тағылды. Егер оның кінәсі дәлелденсе, ол өмір бойына бас бостандығынан айырылуы мүмкін», — деді Алматы қалалық полиция департаментінің баспасөз қызметі.
Қазіргі уақытта күдікті уақытша ұстау изоляторына қамалды. Тергеу амалдары жалғасуда.
