Танымал продюсер Баян Алагөзова халық әртісі Меруерт Өтекешоваға ерекше сый жасады. Ол әншіге өмір бойы ай сайын 1 миллион теңге төлеп тұратынын мәлімдеді, деп хабарлайды Zhaiyqmedia.kz ақпарат агенттігі.
Баян Алагөзова бұл шешімін әлеуметтік желіде жариялады. Ол Меруерт Өтекешованың өнері мен еңбегін жоғары бағалайтынын айтты.
«Меруерт – біздің ұлттық мақтанышымыз. Оның даусы мен өнері халықтың жүрегінде. Мен оған деген құрметімді осылай білдіргім келді», – деді продюсер.
Меруерт Өтекешова бұл жаңалықты естігенде қатты толқығанын жеткізді. Ол Баян Алагөзоваға алғысын білдіріп, мұндай қамқорлық күтпегенін айтты.
