Елімізде аэротакси қызметін енгізу мәселесі қызу талқылануда. Вице-премьер Қанат Бозымбаевтың айтуынша, бұл бағыттағы жұмыстар қарқынды жүріп жатыр, деп хабарлайды Zhaiyqmedia.kz ақпарат агенттігі.
Әуе таксиінің құны әзірге нақтыланбағанымен, мамандар бағасы қарапайым таксиден қымбат, бірақ тікұшақтан арзан болатынын айтады. Бұл қызмет әсіресе ірі қалалар мен облыс орталықтарында сұранысқа ие болмақ.
«Біз бұл бағыттағы жобаларды қолдаймыз. Ең бастысы – қауіпсіздік талаптарын сақтау және халық үшін қолжетімді болуы», – деді Бозымбаев.
Оралда да әуе таксиінің пайда болу мүмкіндігі жоққа шығарылмайды. Қазіргі уақытта әуе кеңістігін пайдалану ережелері мен инфрақұрылым мәселелері пысықталуда.
