Сурет: Egemen Qazaqstan
Түркияда ұсталған алаяқтыққа күдікті азамат Қазақстанға депортацияланды. Ол 2024 жылдың қыркүйек-желтоқсан айларында әлеуметтік желілер арқылы екі атыраулық тұрғынды алдап, 3 миллион теңгеден астам ақшасын иемденген, деп хабарлайды Zhaiyqmedia.kz ақпарат агенттігі.
Халықаралық іздеуде жүрген күдікті Түркияның Самсун қаласында ұсталды. Оны елге қайтаруға Қазақстан ІІМ-нің Түркиядағы өкілі мен Қазақстан елшілігі көмектесті.
Қазір күдікті Алматы қаласы полиция департаментінің уақытша ұстау изоляторына қамалған. Тергеу жалғасып жатыр.
