Сурет: Egemen Qazaqstan
Мемлекеттік әлеуметтік сақтандыру қоры мамандары 258 кәсіпкердің арам пиғылын әшкереледі. Олар адамдарды жалған жұмысқа орналастырып, әлеуметтік төлемдерді заңсыз алуға көмектескен. Бұл схемаға 4 мыңнан астам қазақстандық қатысыпты, деп хабарлайды Zhaiyqmedia.kz ақпарат агенттігі.
Тексеріс барысында Қор мамандары жалған жұмысқа орналасқан азаматтарды анықтап, олардың әлеуметтік төлемдерін тоқтатты. Заңсыз әрекеттердің алдын алу мақсатында қосымша шаралар қабылдануда.
«Біз 258 кәсіпкердің жалған құжаттар жасап, адамдарды әлеуметтік төлем алу үшін фиктивті жұмысқа тіркегенін анықтадық. Енді олардың әрекетіне заңдық баға беріледі», — деді Қордың баспасөз қызметі.
Мұндай схемалар мемлекет қаражатын ұрлауға жол бермеу үшін Қор мамандары тұрақты мониторинг жүргізеді. Күдікті жағдайлар анықталған кезде дереу құқық қорғау органдарына хабарланады.
