Қазақстанда биыл бірінші сыныпқа құжат қабылдау жаңа форматта өтеді. Оқу-ағарту министрлігі пилоттық жобаны іске қоспақ.
Жаңа жоба бойынша ата-аналар баласын мектепке онлайн тіркей алады. Бұл кезекте тұру мен қағазбастылықты азайтуға бағытталған, деп хабарлайды Zhaiyqmedia.kz ақпарат агенттігі.
Министрлік өкілдерінің айтуынша, пилоттық жоба алдымен ірі қалаларда сыналады. Оның қорытындысы бойынша жүйе республика бойынша енгізіледі.
«Ата-аналар үшін ең басты жеңілдік – уақыт үнемдеу. Енді мектеп табалдырығын тоздырмай-ақ, үйде отырып құжат тапсыруға болады», – дейді мамандар.
Нақты мерзімдер мен қабылдау ережелері жақын арада жарияланады. Оқу-ағарту министрлігі ата-аналарды жаңа жүйеге дайын болуға шақырады.
