Сурет: Aikyn.kz
Жазғы демалыста балалардың қауіпсіздігіне ерекше көңіл бөлу керек. Ішкі істер министрлігі ата-аналарға балаларын қараусыз қалдырмауға және олардың қайда, кіммен жүргенін білуге кеңес береді. Демалыс кезінде кәмелетке толмағандарға қатысты оқиғалар саны артады, сондықтан сақтық шараларын күшейту маңызды, деп хабарлайды Zhaiyqmedia.kz ақпарат агенттігі.
ІІМ өкілдері ата-аналарға балалардың интернеттегі әрекетін бақылап, жат адамдармен сөйлесуіне жол бермеуді ескертеді. Сонымен қатар су айдындарында және жол бойында қауіпсіздік ережелерін сақтау қажет.
«Ата-аналар, балаларыңыздың демалысын қауіпсіз өткізу үшін олармен жиі сөйлесіңіз, қайда баратынын, не істейтінін біліп отырыңыз. Ең бастысы – оларды қараусыз қалдырмаңыз», – деді ІІМ өкілі.
