Сурет: Коллаж: Kazinform/ Nano Banana
ЮНЕСКО Қазақстан халқын Ұлттық домбыра күнімен құттықтады. Бұл мереке жыл сайын шілде айының алғашқы жексенбісінде атап өтіледі, деп хабарлайды Zhaiyqmedia.kz ақпарат агенттігі.
Ұйым өкілдерінің айтуынша, қазақтың домбыра күй өнері 2014 жылдан бері ЮНЕСКО-ның адамзаттың материалдық емес мәдени мұрасының Репрезентативті тізіміне енгізілген.
ЮНЕСКО мәдениет жөніндегі директорының орынбасары Наиф әл-Файездің сөзінше, бұл ерекше музыкалық дәстүр халықты өзінің тарихымен, болмысымен және бір-бірімен байланыстырады.
— ЮНЕСКО Қазақстандағы домбыраға деген ерекше құрметті жоғары бағалайды және бұл баға жетпес мұраны келер ұрпаққа жеткізу мен сақтау бағытындағы күш-жігерді қолдайды, — деді ол.
Осылайша, домбыра тек музыкалық аспап қана емес, қазақ халқының мәдени болмысы мен рухани бірлігін айқындайтын маңызды мұра ретінде атап өтілді.
