Мазмұнға өту
Сурет: instagram.com/xds_astana_team
XDS Astana Team командасының шабандозы Томас Сильва Испанияда өткен «Кастилия и Леон классикасы» бір күндік жарысында жеңіске жетті. Оның командаласы Кристиан Скарони үшінші орын алды, деп хабарлайды Zhaiyqmedia.kz ақпарат агенттігі.
190,6 шақырымдық жарыс Бенавентеден Лубианаға дейін өтті. XDS Astana Team өкілдері жарыс бойы көшбасшылықты бақылап, соңғы тауға көтерілу кезінде шешуші шабуыл жасады.
Мәреге 100 метр қалғанда Сильва шабуыл жасап, 4 сағат 23 минут 41 секунд нәтижесімен бірінші болды. Екінші орынды Movistar Team командасынан Роджер Адриа иеленді, ал Скарони үшінші болды.
Бұл — екі күндегі екінші жеңісім, сондықтан өте қуаныштымын. Ең алдымен, бүгін команданың керемет жұмысына тоқталғым келеді. Жігіттер орасан зор жұмыс атқарып, Кристианға, Диегоға және маған соңғы тауға көтерілу кезінде жеңіс үшін күресуге барлық мүмкіндік жасады. Біз тактикамызды мінсіз жүзеге асырдық. Бүкіл команданың тамаша еңбегін жеңіспен аяқтағаныма және Скаронидің үшінші орын алғанына өте қуаныштымын. Біз бірге жарысқанда өзімізді өте жақсы сезінеміз. Осы бағытта әрі қарай да жұмыс істей береміз деп үміттенемін, — деді Томас Сильва.
