Қазақстан футбол федерациясына жаңа бас хатшы тағайындалды. Бұл лауазымға ағылшын маманы Скотт Энтони Мунн келді. Ол бұған дейін «Тоттенхэм» клубында директор болып жұмыс істеген.
27 сәуірде өткен Атқарушы комитет отырысында Муннның кандидатурасы бірауыздан мақұлданды, деп хабарлайды Zhaiyqmedia.kz ақпарат агенттігі.
Скотт Энтони Мунн — тәжірибелі футбол менеджері. Ол «Тоттенхэмнен» бөлек, бірнеше еуропалық клубтарда басшылық қызметтер атқарған. Енді ол Қазақстан футболын дамытуға үлес қосады.
Федерация өкілдерінің айтуынша, Муннның халықаралық тәжірибесі ұлттық футболдың деңгейін көтеруге көмектеседі.
