Мемлекет басшысы Қасым-Жомарт Тоқаев Ұлы Отан соғысындағы Жеңістің 80 жылдығына орай қазақстандықтарға арнаған құттықтауын жариялады, деп хабарлайды Zhaiyqmedia.kz ақпарат агенттігі.
Президент бейбітшілік пен тұрақтылықтың маңызын ерекше атап, соғыс ардагерлеріне алғыс білдірді. «Біздің ата-бабаларымыз фашизмге қарсы күресте ерен ерлік көрсетті. Олардың рухы әрқашан бізбен бірге», – деді Тоқаев.
«Жеңіс күні – біздің ортақ қуанышымыз әрі мақтанышымыз. Бұл – ерлік пен табандылықтың символы. Біздің парызымыз – ата-баба ерлігін ұлықтап, болашақ ұрпаққа жеткізу», – деп атап өтті Мемлекет басшысы.
Президент соғыс жылдарында қазақстандықтардың майданда да, тылда да ерен еңбек еткенін еске салды. Ол бүгінгі ұрпақтың бейбіт өмірді бағалауы керектігін жеткізді.
