Сурет: Egemen Qazaqstan
Қасым-Жомарт Тоқаев Ресей президенті Владимир Путинді елорда әуежайынан шығарып салды. Путиннің Қазақстанға мемлекеттік сапары аяқталды, деп хабарлайды Zhaiyqmedia.kz ақпарат агенттігі.
Сапар барысында екі ел арасындағы стратегиялық ынтымақтастық мәселелері талқыланды. Тараптар экономика, энергетика және мәдениет салаларында бірлескен жобаларды жүзеге асыруға келісті.
«Біздің әріптестігіміз жаңа деңгейге көтерілді. Бұл сапар екіжақты қатынастарды нығайтуға серпін береді», – деді Қасым-Жомарт Тоқаев.
Владимир Путин Қазақстанға сапарын жоғары бағалап, алдағы уақытта да тығыз байланыста болатынын жеткізді. Екі президент бірлескен мәлімдеме қабылдады.
