Сурет: Ақорда
Мемлекет басшысы Қасым-Жомарт Тоқаев МАГАТЭ Бас директоры Рафаэль Гроссиді І дәрежелі «Достық» орденімен марапаттады. Бұл – атом энергиясын бейбіт мақсатта пайдалану саласындағы ынтымақтастыққа қосқан үлесі үшін берілген жоғары награда, деп хабарлайды Zhaiyqmedia.kz ақпарат агенттігі.
Президент Гроссиді Қазақстандағы атом электр станциясын салу жобасын талқылау үшін қабылдады. Кездесуде екі тарап халықаралық атом қауіпсіздігі мәселелерін де қозғады.
«Біз сіздің Қазақстанның атом саласын дамытудағы рөліңізді жоғары бағалаймыз. Бұл орден – достық пен ынтымақтастықтың белгісі», – деді Тоқаев.
Рафаэль Гросси өз кезегінде Қазақстанның атом энергиясын бейбіт мақсатта пайдаланудағы жетістіктерін атап өтті. Ол МАГАТЭ-нің Қазақстанмен әріптестікті одан әрі нығайтуға дайын екенін жеткізді.
