Сурет: Sports.kz
Қостанайлық «Тобыл» футбол клубында бас бапкер мәселесі қайта көтерілді. Команда жетекшілері маусым қорытындысы бойынша кадрлық шешім қабылдауы мүмкін, деп хабарлайды Zhaiyqmedia.kz ақпарат агенттігі.
Бұл – бір маусым ішіндегі үшінші ықтимал ауысым. Бұған дейін клуб бас бапкерлерді бірнеше рет алмастырған еді. Қазіргі бапкердің жұмысына клуб басшылығының көңілі толмай отыр.
«Біз әлі түпкілікті шешім қабылдаған жоқпыз. Бірақ команданың нәтижесі бізді ойландырады. Алдағы аптада нақты жауап береміз», – деді клуб өкілі.
«Тобыл» биылғы маусымда Қазақстан чемпионатында тұрақты ойын көрсете алмады. Команда көшбасшылар қатарынан көрінбеді. Енді жанкүйерлер клубтың жаңа бапкер тағайындайтынын күтуде.
