Сурет: Aikyn.kz
Астанада полицейге пранк жасап, видеосын әлеуметтік желіге жүктеген екі жігіт 15 тәулікке қамалды. Олардың бірі қызметкерге «шаурманы жарнамалап жүрмін» деп жақындап, кейін оны қорлаған, деп хабарлайды Zhaiyqmedia.kz ақпарат агенттігі.
Полиция департаментінің мәліметінше, қызметкер сол сәтте жұмысқа бара жатқан және көмек сұраған азаматтарға бірден әрекет еткен. Алайда пранкерлер оны видеога түсіріп, желіге таратып жіберген.
«Олар полицейдің назарын аударып, содан кейін оны қорлаған. Бұл әрекеттері үшін екеуі де 15 тәулікке әкімшілік қамауға алынды», — деді ведомство өкілі.
Қазіргі уақытта пранкерлерге қатысты іс қаралып, олардың әрекетіне заңдық баға берілді. Полиция мұндай әрекеттердің қызметкерлердің беделіне нұқсан келтіретінін ескертті.
