Қытайдағы Азия чемпионатында жеңіл атлеттеріміз алтын алды

Сурет: Egemen Qazaqstan

Қытайда өтіп жатқан жеңіл атлетикадан Азия чемпионатында Қазақстан құрамасы алтын медаль жеңіп алды, деп хабарлайды Zhaiyqmedia.kz ақпарат агенттігі.

Шаосин қаласында өткен жарыста қазақстандық спортшылар 4×400 метрлік аралас эстафетада жеңіс тұғырының ең биік сатысына көтерілді. Эльнор Мұхитдинов, Мария Шувалова, Андрей Соколов және Аделина Земс қашықтықты 3:16.75 нәтижесімен аяқтады.

Екінші орынды Үндістан құрамасы иеленіп, 3:17.06 уақыт көрсетті. Ал Қытай құрамасы 3:17.20 нәтижесімен үшінші орынға тұрақтады.

Азия чемпионаты 21 маусымда аяқталады. Қазақстан құрамасы ерлер мен әйелдер арасындағы 4×400 метрлік эстафеталарда да бақ сынайды.