Сурет: Egemen Qazaqstan
Қазақстан ұлттық құрамасы УЕФА Ұлттар лигасының үшінші турында «Астана Аренада» Молдоваға қарсы ойында 1:2 есебімен жеңіліс тапты, деп хабарлайды Zhaiyqmedia.kz ақпарат агенттігі.
Бұл – қазақстандық футболшылардың турнирдегі екінші рет қатарынан ұтылуы. Осылайша, ұлттық құрама үш ойыннан кейін бір ұпаймен қалды.
Қазақстан алғашқы турда Фарер аралдарымен 1:1 есебімен тең түскен болатын. Екінші турда сырт алаңда Словакиядан 1:2 есебімен жеңілді.
Молдоваға қарсы жеңілістен кейін Қазақстан құрамасының өз тобындағы жағдайы қиындады. Бұған дейінгі екі турдан кейін команда үшінші орында тұрған еді: Словакияның еншісінде 6, Фарер аралдарында 2, Қазақстан мен Молдовада 1 ұпайдан болған.
Қазақстан құрамасы Ұлттар лигасының келесі кездесуін 6 қазанда өз алаңында Фарер аралдарына қарсы өткізеді. Матч «Астана Аренада» өтеді.
