Сурет: Egemen Qazaqstan
2026 жылдың алғашқы үш айында Қазақстан мен Ресей арасындағы тауар айналымы 6,46 млрд долларға жетіп, былтырғы көрсеткіштен 16%-ға артық болды, деп хабарлайды Zhaiyqmedia.kz ақпарат агенттігі.
Бұл өсім – екі ел арасындағы экономикалық байланыстың нығая түскенін көрсетеді. Сарапшылардың пікірінше, мұндай серпінге өнеркәсіптік кооперация мен кедендік жеңілдіктер ықпал еткен.
«Ресей – Қазақстанның негізгі сауда серіктестерінің бірі. Біз тауар айналымын одан әрі арттыру үшін логистика мен бірлескен жобаларды дамытуды жалғастырамыз», – деді ҚР Сауда және интеграция министрлігінің өкілі.
Батыс Қазақстан облысы үшін бұл көрсеткіш ерекше маңызды: өңір Ресеймен шекаралас орналасқандықтан, экспорт пен импорттың негізгі ағыны осы аймақ арқылы өтеді. Жайық өңірінің кәсіпкерлері де осы сауда-экономикалық ынтымақтастықтан пайда көріп отыр.
