Парижде өткен джиу-джитсудан халықаралық Гран-приде Қазақстан құрамасы 23 медаль жеңіп алып, жалпы командалық есепте екінші орынға ие болды, деп хабарлайды Zhaiyqmedia.kz ақпарат агенттігі.
Біздің спортшылар 6 алтын, 6 күміс және 11 қола медальді еншіледі. Бұл – қазақстандықтардың халықаралық додадағы жоғары нәтижесі.
Жарыста еліміздің намысын 50-ге жуық спортшы қорғады. Олардың көпшілігі жас болса да, мықты қарсыластарға қарсы лайықты өнер көрсетті.
«Біздің команда өте мықты дайындалған. Париждегі Гран-при – әлемдік джиу-джитсудағы маңызды кезең. Қазақстандықтардың нәтижесі біздің спорттың даму деңгейін көрсетеді», – деді Қазақстан джиу-джитсу федерациясының өкілі.
Айта кетсек, бірінші орынды Франция құрамасы иеленді. Қазақстандықтар үшін бұл – әлемдік рейтингте өз орнын нығайтуға жасалған маңызды қадам.
