Қасым-Жомарт Тоқаев Қытай басшысына көңіл айтты: тау-кен апатына байланысты жеделхат жолдады

Сурет: Aikyn.kz

Президент Қасым-Жомарт Тоқаев Қытай Халық Республикасының Төрағасы Си Цзиньпинге көңіл айту жеделхатын жолдады. Бұл – тау-кен кенішінде болған қайғылы оқиғаға байланысты, деп хабарлайды Zhaiyqmedia.kz ақпарат агенттігі.

Ақорданың мәліметінше, жеделхатта Мемлекет басшысы Қытайдың Ляонин провинциясындағы тау-кен кенішінде болған апат салдарынан адам шығынына байланысты қайғырып, көңіл айтқан.

«Қазақстан халқы мен өз атымнан осы ауыр қайғы-қасіретке ортақтасып, қаза тапқандардың отбасы мен жақындарына шын жүректен көңіл айтамын», – делінген жеделхатта.

Тоқаев сонымен қатар зардап шеккендердің тез сауығып кетуіне тілектестік білдірген.