Мемлекет басшысы Жапония Парламентінің Қазақстанмен достық лигасының төрағасы Ясутоши Нишимураны қабылдады, деп хабарлайды Zhaiyqmedia.kz ақпарат агенттігі.
Қабылдау барысында Президент Жапонияның Азиядағы маңызды әрі сенімді серіктес екенін атап өтті. Екі ел арасындағы ынтымақтастықты одан әрі дамытуға ниетті екенін жеткізді.
«Жапония – біздің Азиядағы негізгі әрі сенімді серіктесіміз. Біз бірлескен жобаларды жалғастыруға дайынбыз», – деді Президент.
Ясутоши Нишимура Қазақстанмен достық қатынастарды нығайтуға үлес қосатынын айтты. Тараптар экономика, мәдениет және білім салаларындағы ынтымақтастықты талқылады.
