Сурет: mrogowski_photography/depositphotos.com
Португалия құрамасы УЕФА Ұлттар лигасының үшінші турында Данияны 4:2 есебімен ұтты. Бұл Криштиану Роналдудың даулы жағдайда кетуінен кейінгі португалдықтардың алғашқы ойыны болды, деп хабарлайды Zhaiyqmedia.kz ақпарат агенттігі.
Tengri Sport мәліметінше, Данияға қарсы кездесуде Португалия сапында 7-нөмірлі жаңа ойыншы алаңға шықты. Бұл нөмірді түркиялық «Галатасарай» шабуылшысы Рафаэль Леау иеленді. Алайда ол нәтижелі әрекет жасай алмады және 63-минутта алаңнан кетті.
Команданың басқа жұлдыздары – Бруну Фернандеш пен Гонсалу Рамуш нәтижелі әрекеттерімен көзге түсті. «Манчестер Юнайтед» жартылай қорғаушысы екі нәтижелі пас берсе, «Милан» шабуылшысы бір гол соғып, бір нәтижелі пас жасады.
Кездесу 4:2 есебімен Португалияның пайдасына аяқталды.
Еске салайық, Криштиану Роналду ұлттық құрама сапында 234 матч өткізіп, 146 гол соққан. Бұл – Португалия құрамасы тарихындағы рекордтық көрсеткіштер. Роналду құрамамен бірге 2016 жылы Еуропа чемпионатында жеңіске жетіп, Ұлттар лигасында екі рет чемпион атанды.
Бұған дейін хабарлағанымыздай, Португалия құрамасы УЕФА Ұлттар лигасының жаңа маусымындағы екінші ойынында Норвегияны сырт алаңда 2:1 есебімен жеңді.
Еске салайық, Португалия ұлттық құрамасының капитаны Криштиану Роналду командадан кету туралы шешім қабылдағанын әлеуметтік желідегі парақшасында мәлімдеді.
