Сурет: Egemen Qazaqstan
Қытай астанасы Пекинде өтіп жатқан WTA 1000 санатындағы жарыстың үшінші айналымында Беларусь теннисшісі Арина Соболенко чехиялық Никола Бартунковадан ұтылып қалды, деп хабарлайды Zhaiyqmedia.kz ақпарат агенттігі.
Әлемдік рейтингте екінші орында тұрған Соболенко бұл матчта фаворит есептелгенімен, қарсыласына екі сетте де жол берді — 4:6, 3:6. Кездесу 1 сағат 35 минутқа созылды.
Осылайша, Соболенко Қытайдағы турнирдегі өнерін аяқтады. Ал 34-орындағы 20 жастағы Бартункова 1/8 финалға шықты. Оның келесі қарсыласы — әлемдік рейтингте 95-орындағы австриялық Синья Краус.
Айта кетейік, әлемнің бірінші ракеткасы, қазақстандық Елена Рыбакина екінші айналымнан аса алмаған болатын. Оған рейтингте 118-орындағы армениялық Алина Чараева тосқауыл болды.
Пекиндегі турнир жеңімпазы 1 151 380 доллар сыйақы мен 1000 рейтингтік ұпайға ие болады.
