Мазмұнға өту
15 мамыр – Халықаралық отбасы күніне орай Астанада ерекше шара ұйымдастырылды. Қала әкімдігінің қолдауымен №119 мектепте отбасылық психологияға арналған танымдық семинар өтті.
Шараға отбасы құндылықтарын нығайтуға ниетті жүздеген адам жиналды. Мамандар отбасындағы түсіністік, жанжалдарды шешу жолдары мен бала тәрбиесіндегі психологиялық аспектілер туралы айтты.
«Отбасы – қоғамның негізі. Біз әрбір отбасының берік болуына үлес қосқымыз келеді», – деді семинарды ұйымдастырушылардың бірі.
Семинар барысында интерактивті тренингтер мен практикалық кеңестер берілді. Қатысушылар психологтарға сұрақ қойып, жеке кеңес алу мүмкіндігіне ие болды. Мұндай шаралар алдағы уақытта да жалғасады деп жоспарлануда.
