Батыс Қазақстан облысының Орал қаласында ауыл шаруашылығы тауарын өндірушілердің кезекті жәрмеңкесі өтті.
Жәрмеңкеде көкөністер, жеміс-жидектер, көк шөптер мен құс еті кең ассортиментте ұсынылды. Сонымен қатар, отандық өндірушілер тұтынушыларға сүт өнімдерін, шұжық өнімдерін, жұмыртқа, нан-тоқаш өнімдерін және басқа да сапалы тауарларды қолжетімді бағамен ұсынды.
Атап айтқанда, картоп пен пияз 100 теңгеден, қырыққабат пен сәбіз 150 теңгеден, қызанақ 500 теңгеден, қияр 600 теңгеден, алма 500 теңгеден сатылды.
Ауа райы жағдайына байланысты ет пен балық өнімдерін сатуға рұқсат берілді. Бүгінгі жәрмеңкеде сиыр және жылқы еті 3 100 теңгеден бастап сатылып, балықтың әртүрлі жаңа түрлері ұсынылды.
Еске саламыз, ауыл шаруашылығы өнімдерінің жәрмеңкелері апта сайын тұрақты түрде өткізіледі.
