Сурет: Almaty.tv
17 қазанда Қазақстанның кейбір аймақтарында қар аралас жауын-шашын, тұман және көктайғақ болады деп болжанып отыр, деп хабарлайды Zhaiyqmedia.kz ақпарат агенттігі.
Ал батыс пен оңтүстік өңірлерде ауа райы жылы болады. Республика бойынша түнде температура -9°C-қа дейін төмендеп, күндіз +28°C-қа дейін көтеріледі.
Солтүстік және шығыс аймақтарда қар аралас жауын-шашын жауып, тұман түсіп, көктайғақ болуы ықтимал. Күндізгі температура +3…+18°C аралығында болады.
Батыста өткінші жаңбыр жауып, найзағай ойнауы мүмкін. Сондай-ақ шаңды дауыл тұруы ықтимал. Күндіз ауа +18…+28°C-қа дейін жылынады.
Оңтүстік және оңтүстік-шығыста жауын-шашынсыз, ашық ауа райы күтіледі. Күндіз температура +12…+25°C шамасында болады. Маңғыстау облысында +28°C-қа дейін жылынуы мүмкін.
Орталық Қазақстанда күндіз ауа +10…+16°C болады. Алайда түнде температура күрт төмендеп, -9°C-қа дейін аяз болуы ықтимал.
Бұған дейін 17-19 қазан аралығында елдің басым бөлігінде жауын-шашын күтілетіні хабарланған болатын.
