Сурет: Egemen Qazaqstan
Ұлттық ғылыми онкология орталығы (ҰҒОО) мен Атом энергиясы жөніндегі халықаралық агенттік (МАГАТЭ) ынтымақтастық туралы екіжақты келісімге қол қойды. Енді ҰҒОО МАГАТЭ-нің Орталық Азиядағы жетекші орталығы болады, деп хабарлайды Zhaiyqmedia.kz ақпарат агенттігі.
Келісім аясында ҰҒОО-да ядролық медицина мен сәулелік терапия саласында білім беру және оқыту бағдарламалары жүзеге асырылады. Бұл өңірдегі дәрігерлердің біліктілігін арттыруға жол ашады.
Бұл серіктестік онкологиялық көмектің сапасын жақсартып, Орталық Азия елдеріне заманауи емдеу әдістерін таратуға мүмкіндік береді, – дейді ҰҒОО басшысы.
МАГАТЭ-нің қолдауымен орталықта жаңа жабдықтар орнатылып, халықаралық стандарттарға сай диагностика мен емдеу жүргізіледі. Бұл әсіресе Батыс Қазақстан өңірінің тұрғындары үшін маңызды, себебі енді күрделі ем-шараларды шетелге бармай-ақ алуға болады.
