Мазмұнға өту
Астанада «Mecenat.kz» әдеби сыйлығының жеңімпазы марапатталды. Бұл – қазіргі Қазақстан туралы ең үздік романға берілетін жыл сайынғы дәстүрлі байқау, деп хабарлайды Zhaiyqmedia.kz ақпарат агенттігі.
Биылғы сыйлықтың иегері – белгілі жазушы Айгүл Кемелбаева. Оның «Жол» романы қазылар алқасының ерекше ілтипатына бөленді.
«Бұл роман – заманауи қазақ қоғамының күрделі мәселелерін терең әрі шынайы бейнелеген туынды. Жеңімпазды шын жүректен құттықтаймын», – деді қазылар алқасының төрағасы, ақын Бауыржан Қарағұлов.
Сыйлықтың ақшалай сомасы 5 миллион теңгені құрайды. Бұл қаражат жазушыға жаңа шығармасын жазуға серпін бермек.
«Mecenat.kz» сыйлығы 2018 жылдан бері ұйымдастырылып келеді. Осы уақыт ішінде отандық әдебиеттің дамуына зор үлес қосқан бірнеше автор марапатталды.
