Мәжіліс депутаты Мұрат Ергешбаевтың өкілеттігі мерзімінен бұрын аяқталды. Бұл шешім палатаның жалпы отырысында бірауыздан қабылданды, деп хабарлайды Zhaiyqmedia.kz ақпарат агенттігі.
Депутаттың қандай себеппен өкілеттігінен айырылғаны әзірге ресми түрде жарияланған жоқ. Алайда Мәжіліс регламентіне сәйкес, мұндай шешім депутаттың жеке арызы немесе өзге де заңды негіздер бойынша қабылдануы мүмкін.
Мұрат Ергешбаев Қазақстан халқы Ассамблеясынан сайланған депутат еді. Ол Мәжілісте 2023 жылдан бері жұмыс істеп келген.
