Сурет: unite.ai
Испания футболында төрешілердің жұмысын енді жасанды интеллект бақылайды. Ла Лига президенті Хавьер Тебас бұл жүйе келесі маусымнан бастап қолданысқа енетінін ресми түрде мәлімдеді, деп хабарлайды Zhaiyqmedia.kz ақпарат агенттігі.
Тебастың айтуынша, жаңа технология төрешілердің әрбір шешімін талдап, олардың деңгейін объективті түрде бағалайды. Бұл футболдағы әділдікті арттырып, даулы тұстарды азайтуға көмектеседі.
«Біз жасанды интеллект төрешілердің жұмысын жетілдіруге және олардың қателіктерін азайтуға септігін тигізеді деп сенеміз. Бұл – ла лига үшін үлкен қадам», – деді Хавьер Тебас.
Жаңа жүйе алдымен сынақ режимінде іске қосылады. Егер нәтижесі көңіл көншітсе, оны басқа чемпионаттар да қолдануы мүмкін.
