Categories Спорт

Ғұсман Қырғызбаев Гран-при финалында екі дүркін олимпиада чемпионымен белдеседі

Сурет: ҰОК

Дзюдошы Ғұсман Қырғызбаев Қытайдың Циндао қаласында өтіп жатқан Гран-при турнирінде финалға шықты, деп хабарлайды Zhaiyqmedia.kz ақпарат агенттігі.

66 келіге дейінгі салмақ дәрежесінде сынға түскен спортшы алғашқы белдесуде моңғолиялық Турболд Тумурхууды жеңді. Кейін Черногория өкілі Юсуф Нуркович пен әзербайжандық Руслан Пашаевтан басым түсті. Жартылай финалда бразилиялық Роналд Лиманы ұтып, финалға жолдама алды.

Шешуші белдесуде отандасымыз екі дүркін олимпиада чемпионы әрі төрт дүркін әлем чемпионы Хифуми Абэмен кездеседі.

Айта кетейік, финалдық сессияда Елдос Сметов те бақ сынайды. Олимпиада чемпионы 60 келіге дейінгі салмақ дәрежесінде қола медаль үшін ресейлік Аюб Блиевпен белдеседі. Медальдар сарапқа салынатын финалдық белдесулер Астана уақытымен сағат 14:00-де басталады.

Ғұсман Қырғызбаев Париж Олимпиадасында қола жүлде иеленген болатын.

Ұқсас жазбалар

Бельгия Жаңа Зеландияны 5:1 есебімен жеңіп, топ жеңімпазы атанды

Бельгия құрамасы Жаңа Зеландияны 5:1 есебімен жеңіп, G тобында бірінші орынға ие болды. Бельгиялықтар турнирдің…

Александр Усик барлық чемпиондық белбеулерінен бас тартатынын мәлімдеді

Украиналық ауыр салмақтағы боксшы Александр Усик өзіне тиесілі барлық әлем чемпионы белбеулерінен бас тартатынын мәлімдеді.

Таеквондодан Қазақстан жастар құрамасы Kazakhstan Open турнирінде топ жарды

Таеквондодан Қазақстан жастар құрамасы Kazakhstan Open халықаралық турнирінде бірінші орын алды. Ел спортшылары 5 алтын,…