Сурет: Egemen Qazaqstan
Футболдан әлем чемпионатының I тобындағы Франция мен Сенегал құрамалары алғашқы ойынын өткізді. Бұл кездесуде 3:1 есебімен Франция командасы айқын жеңіске жетті, деп хабарлайды Zhaiyqmedia.kz ақпарат агенттігі.
АҚШ-тың Ист-Ратерфорд қаласындағы «Метлайф» стадионында өткен ойынның алғашқы таймында ешкім гол соға алмады. Екінші таймның 66-шы минутында Мбапе есеп ашты, содан кейін француз командасының ойыны жанданды. Франция сапынан алаңға тыңнан қосылған Баркола есепті 2:0 жеткізді. Сенегалдықтар қосымша уақытта Мбайенің әдемі голымен жауап қайтарды. Кездесу аяқталуға екі минут қалғанда Мбапе дубль жасап, Франция құрамасын сенімді түрде алға шығарды. Қорытынды есеп 3:1.
Енді Франция екінші ойынын Иракпен (23 маусым), ал үшінші турда Норвегиямен (26 маусым) өткізеді. Сенегал құрамасы екінші турда Норвегиямен (23 маусым), үшінші турда Иракпен (26 маусым) кездеседі. Топтық кезең 11–27 маусым аралығында өтеді. Командалар бір-бірімен айналым жүйесі бойынша ойнайды (әрқайсысы үш матчтан өткізеді). Плей-офф кезеңіне әр топтан үздік екі құрама, сондай-ақ өз топтарында үшінші орын алған командалардың ішіндегі ең үздік сегіз құрама жолдама алады.
